حیزبوڵا: مانگرتنی خەڵکی بەیرووت هەنگاوێکی ئاشتیانە بووە
حیزبوڵای لوبنان ڕایگەیاند، مانگرتنی خەڵکی لوبنان تەنیا هەنگاوێکی ئاشتیانە و دەربڕینێکی شارستانیانە بوو لە چوارچێوی بەچۆکدا نەهاتن بەرامبەر بە زایۆنییەکان.
حیزبوڵای لوبنان ئەمڕۆ یەکشەممە لە بەیاننامەیەکدا ڕایگەیاند: مانگرتنی ڕۆژی ڕابردووی خەڵکی ئەم وڵاتە بۆ شەرمەزار کردنی خۆوەردانی ئاشکرای ئیسراییل لە کاروباری لوبنان و بنپێکرانی مافی سەروەری نیشتمانیی وڵاتەکەیان و هەروەها پیشاندەری بە چووکدانەهاتنی ئەم خەڵکە بەرامبەر بە ڕژێمی ئیسراییل بوو.
لەم بەیاننامەیەدا هاتووە: حیزبوڵا داوای لە سەرکردایەتی سوپا و حکومەتی ئەم وڵاتە کرد کە هەنگاوی پێویست لە پێناو پاراستنی ڕۆڵی ناوەندە سەربازییەکان بۆ پاراستنی پاوەجێی و ئاشتیی مەدەنی بگرنەبەر. ئێوارەی هەینی چەند کەسێک لە فڕۆکەخانەی بێرووت پەلاماری کاروانی هێزەکانی یونیفەڵیان دا لە جادەی کۆنی فڕۆکەخانە لە دەڤەری "ئەلکوکوردی" و سێ ئۆتۆمبێلی ئەم کاروانەیان ئاور تێبەردا.
