چوونەسەری ژوماری گیانلەدەسداوانی بارانبارینی وەرزیی و لافاو لە پاکستان بۆ ٨٥٤ کەس
ژمارەی گیانلەدەستدان بەهۆی بارانبارینی وەرزیی و لافاو لە پاکستان لە ماوەی دوو مانگی ڕابردوودا گەیشتووەتە ٨٥٤ کەس و هەزاران کەسی دیکەش بریندار یان ئاوارەبوونە.
ڕێکخراوی نیشتمانیی ڕووبەڕوو بوونەوەی کارەسات و قەیرانی پاکستان ڕایگەیاند لە ماوەی ٢٤ کاتژمێری ڕابردوودا ٢٣ کەس لە ئەیالەتەکانی پەنجاب، خیبەر پەختونخوا و بەلوچستان گیانیان لەدەستداوە و ٩ کەسی دیکەش برینداربوون. بەگوێرەی ئەو ڕاپۆرتە، بەهۆی بارانبارینی وەرزیی، لە پەنجاب ١٨ کەس، لە خەیبەر پەختونخوا ٤ کەس و لە بەلوچستان کەسێک گیانیان لەدەستداوە. تا ئێستا بەهۆی بارانبارینی وەرزیی ئەمساڵی پاکستان و لافاوەکانی پەنجاب و خەیبەر پەختونخوا، ٨٥٤ کەس گیانیان لەدەستداوە و هەزار و ١٣٠ کەسی دیکەش برینداربوون. سەرڕێژبوونی ڕووبارەکان ئێستا بووەتە هۆی هەستانی لافاو لە پڕحەشیمەت ترین ناوچەکانی پاکستان لەوانە شارەکانی لاهور، سیالکۆت و موڵتان.
