یەحیا سەریع وتەبێژی هێزە چەکدارەکانی یەمەن لە بەیاننامەیەکدا ڕایگەیاند: فڕۆکەیەکی جەنگیی ئێف-١٥ی عەرەبستانی سەعوودی کە لە بنکەی ئاسمانیی مەلیک خالید لە خەمیس موشەیت هەستایەوە، دوو جار هێرشی کردە سەر بەندیخانەی ناوەندیی شاری حەرەم ،ناوەندی پارێزگای جەوف.

وتەبێژی هێزە چەکدارەکانی یەمەن ڕایگەیاند: ئەو هێرشەی کرایە بەندیخانەی ناوەندی، کوژراو و برینداری زۆری لە نێو زیندانییەکان و سەردانکەرانیان خستۆتەوە و لە نێو قوربانیاندا ژن و منداڵیش دەبیندرێن.

لە بەیاننامەی هێزە چەکدارەکانی یەمەندا هاتووە؛ هەوڵەکانی عەرەبستانی سعوودی بۆ دوورخستنەوەی خۆی لە بەرپرسیارەتی ئەم پەلامارە و دەسدرێژییەکانی  بۆ سەر یەمەن، ئەم وڵاتە لە دواهاتەکانی جەنایەتەکانی دوور ناخاتەوە.