وەزارەتی تەندروستیی غەززە ڕایگەیاند: لە دەسپێکی دەسدرێژیی بۆسەر کەرتی غەززە تاکوو ئێستا، ژماری شەهیدان گەیشتووەتە ٧٤هەزار و ٦٤٣ کەس و ژماری بریندارانیش بۆ ١٧٥هەزار و ٩٦٢ کەس.

لەئاکامی پەلامارەکانی بیست و چوار کاتژمێری ڕابردووی رژیمی زایۆنیستی بۆسەر ناوچە جیاجیاکانی غەززە، سێ کەس شەهیدو پانزە کەسیش بریندار بوون. سوپای رژیمی زایۆنیستی و هێزەکانی شارەوانیش هێرشیان کردەسەر شارۆچکەی "ئەلعیسەویە" لە قودسی داگیرکراو. تۆپخانەی سوپای رژیمی زایۆنیستی، ناوچەی هەڵکەوتوو لەنێوان "زوتەر ئەشەرقییە" و "میفدون" لە باشووری لوبنانیشی تۆپباران کرد. سەرچاوە لوبنانییەکان هەروەها ڕایانگەیاند، فڕۆکەیەکی بێفڕۆکەوانی رژیمی زایۆنیستی، بۆمبێکی دەنگیی گرتە ژمارێک لە وەرزێران لە گردووپەڕی دێرمیماس.