مەلا بەختیار: پارتی نایەوێت پۆستی سەرۆکی پەرلەمان بە گۆڕان بدرێتەوە
مەلا بەختیار ئاشکرای کرد: پارتی نایەوێت پۆستی سەرۆکی پەرلەمان بە گۆڕان بدرێتەوە جا چ یووسف محهمهد چ کهسیکی دیکه.
مەلا بەختیار ئاشکرای کرد: پارتی نایەوێت پۆستی سەرۆکی پەرلەمان بە گۆڕان بدرێتەوە جا چ یووسف محهمهد چ کهسیکی دیکه.
بهپێی ههواڵی کوردپرێس لێپرسراوی دەستەی کارگێڕیی مەکتەبی سیاسیی یەکێتیی نیشتمانیی کوردستان لە کۆنگرەیەکی ڕۆژنامەوانیدا ئەوەی ئاشکرا کرد کە جگە لە یوسف محەمەد، پارتی بەهیچ شێوەیەک ڕازی نییە پۆستی سەرۆکی پەرلەمانی کوردستان بە بزووتنەوەی گۆڕان بداتەوە.
دووپاتیشی کردەوە، خاڵە ناکۆکەکانی نێوان یەکێتی و پارتی لە کۆبوونەوەکەی ڕۆژی یهکشهمهدا، لەسەر بابەتەکانی "گەڕانەوەی سەرۆکی پەرلەمانی کوردستان، هەڵبژاردنی سەرۆکی هەرێمی کوردستان لەناو پەرلەمان و ڕێککەوتنەکەی نێوان بزووتنەوەی گۆڕان و یەکێتیی نیشتمانیی کوردستان" بووە. مهلا بهختیار وتیشی: ”ڕوونکردنەوەی خۆمان لەسەر ئەو خاڵانە دا و دانیشتنەکە دەروازەیەکی نوێ و لێکدانەوەی نوێی کردەوە، ئاسۆیەک ڕۆشن کرایەوە لە نێوانمان کە چۆن بەردەوامی بە کۆبوونەوەکانمان بدەین“.
کارگێری مهکتهبی سیاسی یهکێتی نیشتمانی کوردستان ئهوهشی خسته ڕوو کە پارتی سوورە لەسەر ئەوەی، نابێت یوسف محەمەد، بۆ پۆستی سەرۆکی پەرلەمان بگەڕێتەوە، جگە لەوەی پێداگریش لەسەر ئەوە دەکات کە پۆستی سەرۆکی پەرلەمانی کوردستان لە بزووتنەوەی گۆڕان وەربگیرێتەوە و بەهیچ شێوەیەک بەو بزووتنەوەیە نەدرێت.
