بەرپرسی کارگێڕیی مەکتەب سیاسی کۆمەڵی ئیسلامی وێڕای ڕەخنەی توند لە حکومەتی هەرێم وتی کاربەدەستانی هەرێم کەڵکی نابەجێ دەگرن لە دان بە خوداگرتنی خەڵک لە هەمبەر بارودۆخی ئاڵۆزی هەنووکەیی .

بە پی ڕاپۆڕتی کوردپرێس محەمەد حەکیم وێڕای بڵاوکرانەوەی بابەتێک لە پەیجی خۆی لە تۆڕی کۆمەڵایەتی فەیس بووک ، حکومەتی هەرێمی کوردستانی ئێراقی دایە بەر ڕەخنە و گازەندە و نووسی حکومەتی هەرێم کە پێشتر نیگەرانی ڕوودانی خۆیشاندان و ناڕەزایەتی سەر شەقام بوو لە ماوەی مانگەکانی ڕابردوودا ڕووبەرووی دان بە خودا گرتنی خەڵک لە قەیرانەکاندا بووەتەوە و لە هەڵوێستێکی هەڵە دا ئەو بابەتەی ترسی خەڵک لە قەلەم داوە بەڵام هۆی دان بە خۆدا گرتنی خەڵک شی کردنەوەی دروستی خەڵک لە دۆخەکە و قەیرانی هەرێم بوو .

بەرپرسی کارگێڕی مەکتەب سیاسی کۆمەڵ وێڕای ئاماژە بەوەی کە خەڵکی هەرێم تەنانەت لە هەمبەر راگیرانی مووچە و کەم کردنەوەی بۆ نیوە ، ناڕەزایەتیەکی وەهایان نەکردووە دەڵێت حکومەت لەو دان بە خوداگرتنەی خەڵک کەڵکی نابەجێی وەرگرتووە و تەنانەت نۆ مانگە کە پەرلەمانی وەک شەرعیترین دامەزراوەی سیاسی کە خەڵک نوێنە رانی هەڵبژاردەی خۆیان ڕەوانەی کردووە داخستووە و بە پێی ناکۆکیەکانی حیزبی بەریان گرتووە بە کاری چاودێری و یاسا دانانی پەرلەمان .

بە وتەی موحەمەد حەکیم حکومەتی هەرێم کە ئیدی سەبارەت بە ڕوودانی خۆپیشاندان و ناڕەزایەتیە جەماوەریەکان نیگەرانی نیە هیچ کردەوەیکی لە پێناو چارەسەری کێشەکانی خەڵکی هەرێمئەنجام نەداوە و هەر بەو بۆنەوە بارودوخی هەرێم نالەبارتر بووە .