سێ پۆستی تەوژمی بەهێزی گواستنەوەی کارەبا لە ئێرانەوە بۆ باکووری رۆژهەڵاتی عێراق کەوتە بەر تەقینەوەی تیرۆریستیی.

بە پێی راپۆرتی هەواڵدەریی الشرق الاوسط، وەزارەتی وزەی عێراق رایگەیاند ، سێ پۆستی گواستنەوەی کارەبای ئێران بۆ عێراق ، لە پارێزگای دیالە ، رۆژهەڵاتی ئەو وڵاتە رۆژی پێنجشەممە کەوتە بەر هێرشی تیرۆریستیی.

"مصعب المدرس" ، وتەبێژی وەزارەتی وزەی عێراق کوتی : سەرەڕای خاپوور بوونی پۆستی گواستنەوەی کارەبای ئێران بۆ عێراق لە دیالە بە دەستی تیرۆریستان ، گواستنەوەی کارەبای ئێران بۆ عێراق بەردەوامە.

وتەبێژی وەزارەتی وزەی عێراق ، جەختی کرد : هێڵی هاوردەی کارەبا بە تەوژمی بەهێزی مێرساد - دیالە ، 400 مێگا وات کارەبا لە ئێرانەوە دەگوازێتەوە بۆ عێراق و یەکێک لە چوار هێڵی سەرەکیی هاوردەی کارەبا لە ئێرانەوەیە کە پێشتریش کەوتبۆ بەرهێرش.

هێزە عێراقییەکان لە مانگ و رۆژانی رابردوودا توانیان بەشگەلێک لە ناوچەکانی ژێر چەپۆکی تیرۆریستان لە دەڤەری بەغدا و باکووری عێراق و هەروەها شاری فەلوجە لە پاریزگای رۆژئاوایی ئەنبار وەرگرنەوە و شکستەکانی داعش لەو ناچانەدا ، بووەتە هۆی ئەوەی کە تیرۆریستان دەست بدەنە جموجۆڵ و تەقینەوەی تیرۆریستیی.