فەرەنسا پالپشتی رامیاری و ئابووری خوی بۆ هەرێمی کوردستانی عێراق دووپات کردەوە
ئەمڕۆ پێنجشەم نێچیرڤان بارزانی، سەرۆک وەزیرانی هەرێمی کوردستانی عێراق پێشوازیی لە ئاندرێ ڤالین"ی وەزیری دەوڵەتی فەرەنسا بۆ کاروباری پەرەپێدانی نێودەوڵەتی و شاندێکی دیپلۆماسیی یاوەری کرد.
لە دیدارێکدا ، ڤالینی خۆشحاڵیی خۆی بە سەردانی هەرێمی کوردستانی عێراق و قارەمانیهتی و نەبەردیی پێشمەرگە لە ڕووبەڕووبوونەوەی تیرۆرستان و پاراستنی ئەو هەرێمە لە دەستی تیرۆر دەربڕی و پشتیوانیی وڵاتەکەیشی بۆ هەرێمی کوردستانی عێراق و پێشمەرگە لە شەڕی دژی تیرۆر دووپات کردەوە.
لە لایەکی دیکەی قسەکانیدا پشتگیریی وڵاتەکەی لە ڕووی سیاسی و ئابوورییەوە بۆ هەرێمی کوردستانی عێراق دەربڕی و ئاماژەی بەوە دا کە ئەوان لێکۆڵینەوە لەوە دەکەن بە چ شێوەیەک هاوکاریی حکوومەتی هەرێمی کوردستانی عێراق بکەن بۆ دەربازوون لەو قەیرانە داراییە قورسەی کە ڕووبەڕووی هەرێمی کوردستانی عێراق بووەتەوە.
لای خۆیەوە سەرۆک وەزیرانی هەرێمی کوردستانی عێراق سوپاسی ئەو سەردانە و وڵاتی فەرەنسای کرد بۆ ئەو هاوکارییە مرۆیی و سەربازیانەی پێشکەش بە هەرێمی کوردستانی عێراقی دەکەن و سەرەخۆشیی خۆی و حکوومەتی هەرێمی کوردستانی عێراقی بۆ کەسوکاری قوربانیانی کردەوە تیرۆرستییەکەی شاری نیسی فەرەنسا دەربڕی.
