وەزیری دەرەوەی ئێران، سەرکەوتن لە جێبەجێ کردنی بەرجامی بە دەرئەنجامی خۆڕاگریی گەلی ئێران زانی.

محەممەد جەواد زەریف وەزیری دەرەوەی ئێران ڕۆژی سێ شەممە لە وتووێژێک دا لەگەڵ هەواڵدەریی سەداوسیما وتی: جێبەجێ کرانی بەرجام لە چەند بواری وەک نەهێشتنی لەمپەڕەکانی سەر بەرنامەی ناڤۆکیی ئێران زۆر سەرکەوتوو بووە چونکە دەرئەنجامی خۆڕاگریی گەلی ئێران بووە.

 زەریف بە ئاماژە بە پرسی هەڵوەشاندنەوەی گەمارۆکانیش وتی: هەنوکە هەناردەی ئێران دەتوانین بڵەین گەڕاوەتەوە سەردەمی پێش گەمارۆکان و دەرەتانی گەڕاندنەوەی داراییە بلۆک کراوەکانی ئێرانیش هەیە.

وەزیری دەرەوەی ئێران بە ئاماژە بە گوشارەکانی سەر واشنتۆن لە لایەن ئێران و هاوبەشە ئەوروپییەکانی ئەو وڵاتە بۆ جدی تر بوون لە جێبەجێ کردنی بەرجام وتی: ئەمریکییەکان دەبێ دەستە بەری ئەوە بدەن کە بەڵێنییەکانیان لە بەرجام تەنیا لەسەر لاپەڕە دا نامێنێتەوە.