عادل عەبدولمەھدی، سەرۆک وەزیرانی عێراق بە یاوەری شاندێکی باڵای حکوومەتی عێراق گەیشتە ھەولێر و لە فڕۆکەخانەی نێودەوڵەتی ھەولێر لەلایەن نێچیرڤان بارزانی، سەرۆکی ھەرێمی کوردستان پێشوازی لێکرا.

بەگوێرەی زانیارییەکانی کوردستان24، لەم سەردانەیدا عەبدولمەھدی لەگەڵ بەرپرسانی باڵای هەرێمی کوردستان بارودۆخی ئێستای عێراق و پەیوەندییەکانی هەولێر و بەغدا و دۆزینەوەی چارەسەرێک بۆ قەیرانی ئێستا تاوتوێ دەکەن.

بڕیاریشە دوای دیدار و گفتوگۆکانی لە ھەولێر، سەرۆک وەزیرانی عێراق سەردانی سلێمانی بکات و چەند کۆبوونەوەیەک لەوێش ئەنجامبدات.