مەسعود بارزانی سەرۆکی پارتی دیموکرات لە سەلاحەددین لەگەڵ کەسایەتی و ڕامیاری کورد عوسمان بایدەمیر کۆبووەوە.

بەپێی راگەیەنراوی کۆبوونەوەکە، لەو دیدارەدا ڕەوشی گشتیی ناوچەکە و دوایین گۆڕانکاری و پێشهاتە سیاسییەکان خرایە بەر باس و بیروڕایش لەبارەی بارودۆخی گەلی کورد لە ڕۆژهەڵاتی ناوەڕاست ئاڵوگۆڕ کرا.

هەر لەو دانیشتنەدا جەخت لە پەیامی ئاشتییانەی گەلی کوردستان و گرتنەبەری ڕێگەی دیالۆگ و لێکتێگەییشتن بۆ چارەسەر کێشەکان کرایەوە.

لە بەشێکی دیکەی کۆبوونەوەی نێوان بارزانی و عوسمان بایدەمیر نزیکبوونەوەی لایەنە کوردییەکان و گوتاری ئاشتیخوازانەی هاوبەشی نەتەوەیی بە پێویست زانرا.