وەزارەتی تەندروستیی ھەرێمی کوردستان رایگەیاند، لە ٢٤ کاتژمێری ڕابردوودا ھیچ حاڵەتێکی کۆرۆنا تۆمار نەکراوە.

بەگوێرەی راگەیەندراوێکی وەزارەتی تەندروستی حکومەتی هەرێمی کوردستان کە شەوی پێنجشەممە ١٢ ی ٣ ی ٢٠٢٠ بڵاوی کردەوە، سێ هەزار و ١٨٦ کەس لە هەرێمی کوردستان لە  کەرەنتینەدان، لە ماوەی ٢٤ کاتژمێری رابردووشدا هیچ حاڵەتێکی نوێی توشبوون بە کۆرۆنا تۆمار نەکراوە. 

دەقی ڕاگەیەندراوی وەزارەتی تەندروستی هەرێم:

سەبارەت بە نەخۆشی ڤایرۆسی کۆڕۆنای نوی COVID-19 لە هەرێمی کوردستان، تیمەکانی تەندروستی بۆ گەڕان و پشکنینی گومانلێکراوانی هەڵگری ئەم ڤایرۆسە ڕۆژانە بەردەوامن بەمەش:

1.  ژمارەی هاوڵاتیان کە لە کەرەنتینەکان بوون (٣١٨٦) هاوڵاتین لە (٢٩) شوێنی جیاواز کە لەئێستادا تەنها (٨٩٣) هاوڵاتی لە کەرەنتین ماونەتەوە و (٢٢٩٣) هاوڵاتی دەرچوون و گەڕانەوە ناو خانەوادەکانیان دوای تەواو بوونی ماوەی دوو هەفتە.

2. لەماوەی ٢٤ کاتژمێری ڕابردوو (٩٨) پشکنین ئەنجامدرا کە گشت دەرنجامەکان نێگەتیڤ بوون. 

3. کۆی هەڵگرانی ڤایرۆسی کۆڕۆنای نوێ COVID-19 لە هەرێمی کوردستان تەنها (١٩) حالەتە،  لەنێویاندا (١) مردن هەیە و (١) نەخۆش بەتەواوی چاکبووەتەوە وە هەموویان لەژێر چاودێری پزیشکی دان و باری تەندروستیان جێگیرە.