دوای ئه‌وه‌ی شه‌وی ڕابردوو چه‌کدارانی په‌که‌که‌ له‌ به‌رده‌ زه‌رد و سه‌ری بندێوانه‌ ته‌قه‌یان له‌ر بازگه‌ی سوپای تورکیا کرد وتوپخانه‌کانی تورکیاش به‌چڕی ناوچه‌که‌یان تۆپباران کرد.

مێدیاکانی سەر بە پارتی دیموکراتی کوردستان  رایانگەیاند ، به‌هۆی ئه‌و تۆپبارانه‌ش ئاگر له‌  سنوری گونده‌کانی ئاله‌کان وخه‌لیفان وسیران ومێرگه‌ڕه‌ش وگۆڕمه‌مک که‌وتوته‌وه‌ وه‌ک دانیشتوانی ئه‌وگوندانه‌ ده‌ڵێن: به‌هۆی ئه‌و ئاگره‌وه‌ ده‌یان دۆنم پاوان ودارستانی سنوری ئه‌وگوندانه‌ سووتاوه‌ و تائێستاش ئاگره‌که‌ نه‌کوژاوه‌ته‌وه‌و به‌رده‌وامه‌ ،له‌ترسی بۆردوومان و تۆپبارانه‌کانیش، هاووڵاتیان و تیمه‌کانی به‌رگری شارستانی، ناتوانن بچنه‌ شوێنی ئاگره‌که‌و کۆنتڕۆلی بکه‌ن .

ساڵانه‌ به‌هۆی به‌رده‌وامی بۆردوومانه‌کان و شه‌ڕ وپێکدادانی نێوان په‌که‌که‌ وسوپای تورکیا ، سه‌دان دۆنم پاوان و دارستانی گوندو ناوچه‌ سنورییه‌کان ده‌سوتێ و زیانی زۆریش  به‌سروشت وژینگه‌ی ناوچه‌که‌ ده‌که‌وێت.