ئاماری 24 کاتژمێری رابردووی کۆرۆنا لە ھەرێمی کوردستان
وەزارەتی تەندروستی هەرێمی کوردستان رایگەیاند، لە 24 کاتژمێری رابردودا 258 توشبوی نوێی ڤایرۆسی کۆرۆنا لە پارێزگاکانی هەرێم تۆمارکراوە و 7 توشبوش گیانیان لەدەستداوە، کۆی گشتی توشبوانی پەتاکەش گەیشتە 11 هەزار و 109 کەس.
بە پێی ھەواڵی میدیاکانی ھەرێم ،وەزارەتی تەندروستی هەرێمی کوردستان لە راگەیەنراوێکدا رایگەیاند، لە 24 کاتژمێری رابردودا 254 توشبوی نوێی کۆرۆنا لە پارێزگاکانی هەرێم تۆمارکراوە کە بەم شێوەیە بوە، هەولێر 162 کەس، سلێمانی 50 کەس، گەرمیان 34 کەس، هەڵەبجە 10 کەس و لە دهۆکیش 2 توشبووی نوێ تۆمارکراوە.
ئەوەش هاتوە، لەو ماوەیەدا 106 توشبوی کۆرۆنا چاکبونەتەوە کە بە گوێرەی پارێزگاکان بەم شێوەیە بووە، هەولێر 61 کەس، گەرمیان 21 کەس، هەڵەبجە 16 کەس و لە دهۆکیش 8 کەس چاکبونەتەوە.
وەزارەتی تەندروستی هەرێمی کوردستان ئەوەشی خستوەتەڕو، لە دوێنێوە 7 کەسی بەهۆی کۆرۆنا گیانیان لەدەستداوە کە بەم شێوەیە بوە، ( سلێمانی 3)، (هەولێر 2 کەس)، (گەرمیان 1 کەس)، (راپەڕین 1 کەس).
تائێستا لە هەرێمی کوردستان 11 هەزار و 109 کەس توشی کۆرۆنا بون، لەو ژمارەیەش شەش هەزار و 44 کەس چاکبوونەتەوە و 419 کەسیش گیانیان لەدەستداوە.
