فرسه‌ت سۆفی پارێزگاری هه‌ولێر بە کۆرۆنا گیانی لەدەستدا
تشرینی دووه‌م 18, 2020 10:18 Asia/Tehran
دوای ماوەیەکی زۆر لە تووشبوونی بە ڤایرۆسی کۆرۆنا بەرەبەیانی ئەمڕۆ چوارشەممە فرسەت سۆفی، پارێزگاری هەولێر کۆچی دواییکرد.
دوای ماوەیەکی زۆر لە نەخۆشکەوتنی، بەرەبەیانی ئەمڕۆ چوارشەممە 18ی تشری2020 پارێزگاری هەولێر لە ھەندەران کۆچی دواییکرد.
رۆژی 19-10-2020، بەڕێوەبەری نووسینگەی پارێزگاری هەولێر رایگەیاند، دوای ئەنجامدانی پشکنین دەرکەوت کە فرسەت سۆفی تووشی کۆرۆنا بووە. دواتر بەهۆی خراپیی دۆخی تەندروستی بەرەو دەرەوەی وڵات بەڕێکرا.
د. فرسەت سۆفی، لە ساڵی 1978 لە قەزای چۆمان لەدایکبووە، مانگی 9ی ساڵی رابردوو بووە پارێزگاری هەولێر.
فرسەت سۆفی کە دکتۆرای لە یاسای گشتی دا هەبوو ، مامۆستای زانکۆی پۆلەتەکنیکی هەولێر و ئەندامی خوولی چوارەمی پەرلەمانی کوردستان بوو.
