جەختی یەکێتیی جیھانیی زانایانی موسڵمان لە سەر ڕزگارکرانی فەلەستین
سکرتێری گشتیی یەکێتیی جیھانیی زانایانی موسڵمان خوازیاری ئامادەکردنی گەڵاڵەیەکی ستراتژی بوو بۆ بەرنگار بوونەوەی داگیرکاریی ڕژێمی زایونی و ڕزگترکرانی فەلەستین.
بە پێی ڕاپۆرتی ناوەندی ڕاگەیاندنی فەلەستین، مامۆستا دکتۆر«عەلی قەرەداخی» ئەمڕۆ دووشەممە لە بەیاننامەیەک دا بە بۆنەی ڕۆژی جیھانیی داکۆکی لە گەلی قەلەستین پێی داگرت: فەلەستین لە ھەل و مەرجێکی سەخت و ھەستیاردایە و تەواوی لایەنگرانی فەلەستین و پشتیوانانی دادگەری دەبێ بۆ پاراستنی لەخۆبردوویی بنوێنن.
سکرتێری گشتیی یەکێتیی جیھانیی زانایانی موسڵمان وتیشی: ھەندێک وڵاتی نزیک لە فەلەستین بە فەرمانی «دۆناڵد ترەمپ»ی سەرۆکی ئەمریکا پشتیان لە گەلی فەڵەستین کردووەو ڕێگای ئاسایی کردنەوەی پەیوەندییەکانیان لەگەڵ دوژمنی زایونییان گرتووەتە بەرو وازیان لە قودس و مزگەوتی ئەقسا ھێناوە.
دکتۆر «عەلی قەرەداخی» وتیشی: له ئێستادا پرسی فەڵەستین بە رەوشێکی ناخۆشدا تێپەڕدەبێت. ھەر بۆیە فەلەستینییەکان دەبێ ناکۆکییەکانیان وەلا بنێن و یەکانگیر ببن ھەتا جیھانی ئیسلام و عەرەبیش پشتیوانی لە مافەکانیان بکەن.
