SAHAR

عومەر سیلوانی ئەندامی ئەنجومەنی شاری ئامێدی لە پارێزگەی دهۆک وتی: بەهۆی بەردەامبوونی بۆردومانی ناوچە وگوندەکانی چیای گارە، عەمادیە ، زاخۆ و کانی ماسی، زیاتر لە ٢٠٠ بنەماڵە ، بە بەجێ هێشتنی ماڵەکانیان ، ئاوارەی ناوەندی شاری ئامێدی بوونە.

سیلوانی وتی: بنەماڵە ناوبراوەکان، ماڵ ومەزراکانی خۆیانیان بە جێ هێشتووە وبە بەردەوامبوونی بۆردومان وپەلامارەکانی تورکیا ، شەپولی ئاوارەیی خەڵک لە ناوچەکە بەردەوام دەبێت وئەم مەسەلە کارتێکەری نەرینی دەبێت لە سەر کشتوکال لە دهۆک، چونکە زۆربەی ئاوارەکان، وەرزێرو خاوەنی  زەوی و زارن.

 سوپای تورکیا، زەنجیرە چیای گارە، لە پارێزگەی  دهۆکی بە خەستیی بۆردومان کردووە و وەزاڕەتی بەرگری تورکیا هۆی ئەم کارەی ڕاوەدوونانی هێزەکانی پەکەکە ڕاگەیاندبوو.