لیژنه‌ى باڵاى ڕوبه‌ڕوبونه‌وه‌ى کۆرۆنای هەرێمی کوردستان بڕیار له‌سه‌ر گه‌شت‌و سه‌یرانى هاوڵاتیان ده‌دات
ئادار 08, 2021 07:37 Asia/Tehran
ڕۆژى چوارشه‌ممه‌ى داهاتوو لیژنه‌ى باڵاى ڕوبه‌ڕوبونه‌وه‌ى کۆرۆنا کۆده‌بێته‌وه‌و بریکارى وه‌زاره‌تى ته‌ندروستى حکومه‌تی هه‌رێمیش ڕایده‌گه‌یه‌نێت، بڕیار له‌سه‌ر گه‌شت‌و سه‌یرانى هاوڵاتیان ده‌درێت، ده‌شڵێت:"دوو ھەفتەی دیکه ڤاکسینە بەریتانیاکە دەگاتە ھەرێم".
بە پێی هەواڵێکی شارپرێس ، بڕیاروایه ڕۆژی چوارشەممەى داهاتوو، لیژنەی باڵای ڕوبەڕوبونەوەی کۆرۆنا کۆبێتەوە.
له‌وباره‌یه‌وه د.ڕەھێڵ فەرەیدون بریکاری وەزارەتی تەندروستی حکومه‌تى ھەرێم ئاشکرایکردوه، ڕۆژی چوارشەممە لیژنەی باڵای ڕوبەڕوبونەوەی کۆرۆنا بۆ بڕیاردان لەسەر گەشت‌و سەیرانی ھاوڵاتیان‌و چونیان بۆ شوێنە گەشتیارییەکان کۆده‌بێته‌وه.
ئاشکراشیکردوه، لەماوەی دوو ھەفتەی داھاتوودا ڤاکسینە بەریتانیاکە دەگاتە ھەرێم و بڕەکەی 280 بۆ 300 ھەزار ژەمە ڤاکسینه.
