SAHAR

وەزارەتی تەندروستطی هەرێمی کوردستان رایگەیاند، 195 توشبوی کۆرۆنا لە 24 کاتژمێری رابردودا تۆمارکراون و 162 نەخۆشیش چاکبونەتەوە و 6 نەخۆشیش گیانیان لەدەستداوە .

وەزارەتی تەندروستی حکومەتی هەرێمی کوردستان لەراگەیەندراوێکدا بڵاویکردەوە، لە دوێنێوە 5743 (پێنج هەزار و حەوتسەدو چل و سێ) پشکنینی کۆرۆنا کراون، 195 توشبوی کۆرۆنا تۆمارکراون، کە 46 لە هەولێر، 9 کەس لە سلێمانی، 137 لە دهۆک و سێ کەس لە گەرمیان بون.

ئاماژەی بەوەشکردوە، 162 توشبو چاکبونەتەوە، کە 64 لە هەولێر، 59 لە سلێمانی، 33 لە دهۆک، 6 کەس لە گەرمیان بون، شەش کەسیش مردون، 3 کەس لە هەولێر، یەک کەس لە سلێمانی، یەک کەس لە گەرمیان و یەک کەسیش لە راپەڕین بون.