دوایین ئاماری کۆرۆنا لە ھەرێمی کوردستان، ژمارەی توشبوون زیادی کردووە
تەندروستیی هەرێم ئاماری کۆرۆنای بڵاوکردەوە، لە 24 کاتژمێردا زیاتر لە هەزار کەس لە هەرێم تووشی کۆرۆنا بوون و 11 کەسیش گیانیان لەدەستداوە، بەراورد بە دوێنێ ژمارەی توشبوون بە ڕێژەیەکی بەرچاو زیادی کردووە.
وەزارەتی تەندروستیی هەرێمی کوردستان لە ڕاگەیەندراوێکدا لەبارەی ئاماری 24 کاتژمێری ڕابردووی پەتای کۆرۆنا، ئەمڕۆ یەکشەممە 11ی نیسان، ڕایگەیاند، “لە هەرێمی کوردستان هەزار و 129 کەسی نوێ تووشی کۆرۆنا بوون، زۆرترین ژمارەی توشبوونیش لە پارێزگای سلێمانی بووە کە 423 کەس توشبوون”.
لەبارەی مردن بە کۆرۆنا وەزارەتی تەندروستیی هەرێم ئاشکرایکردووە، “لەو ماوەیەدا 11 کەس لە هەرێمی کوردستان بە پەتای کۆرۆنا مردوون، شەش کەسیان لە هەولێر و یەک کەس لە سلێمانی و سێ کەسیش لە دهۆک و کەسێکیش لە گەرمیان بووە”.
بەگوێرەی ڕاگەیەندراوەکەی وەزارەتی تەندروستی، ژمارەی ئەو کەسانەی لە ماوەی 24 کاتژمێردا چاکبوونەتەوە، بریتین لە 360 کەس
