کونسوڵى گشتیى ئێران لە هەولێر و سەرۆکی کۆمەڵی دادگەریی ھەرێمی کوردستان کۆ بوونەوە
حوزه‌یران 27, 2021 13:27 Asia/Tehran
لە کۆبوونەوەی نێوان سەرۆکی کۆمەڵی دادگەریی کوردستان و کونسوڵى گشتیى کۆمارى ئیسلامى ئێران لە هەولێر؛ گۆڕانکارییەکانی عێراق و پێوەندییە دوو قۆڵیەکان تاوتوێ کران.
بە پێی هەواڵی کوردپرێس، کونسوڵخانەی کۆماری ئیسلامیی ئێران لە هەولێر ڕایگەیاند: نەسروڵڵا ڕەشنوودى کونسوڵى گشتیى کۆمارى ئیسلامى ئێران لەگەڵ عەلی باپیر سەرۆکی کۆمەڵی دادگەریی کوردستان کۆ بوونەتەوە.
بەگوێرەی هەواڵەکە ئەو کۆبوونەوە ڕۆژی شەممە 5ی پووشپەڕ لە کونسوڵخانەی کۆماری ئیسلامیی ئێران لە هەولێر بەڕێوەچوو؛ عەلی باپیر بەڕێوەچوونی سێزدەهەمین خولی هەڵبژاردنەکانی سەرۆک کۆماریی، کۆماری ئیسلامیی ئێران و هەڵبزاردنی ئایەتۆڵڵا ئیبراهیم ڕەئیسی پیرۆزبایی کردووە و هیوای سەرکەوتنی بۆ خواست.
لەم دیدارەدا هەروەها گۆڕانکارییەکانی عێراق و پێوەندییە دوو قۆڵیەکان تاوتوێ کران.
