شاندێک لە ھەرێمی کوردستانەوە بۆ گەڕاندنەوەی ڕۆفاتی ١٧١ قوربانیی ئەنفال سەردانی بەغدا دەکات
شاندێکی سەربە وەزارەتی کاروباری بنەماڵەکانی شەھیدان و قوربانیانی ئەنفال لە ھەرێمی کوردستانەوە بۆ گەڕاندنەوەی ڕۆفاتی ١٧١ کوردی فەیلی کە لە دەیەی ھەشتای سەدەی زایینی لە لایەن ڕژێمی سەددامەوە بوونەتە قوربانی سەردانی بەغدا دەکات.
بە پێی ڕاپۆرتی کوردپرێس بە گێڕانەوە لە شەفەق نیوز، «عادڵ ساڵح» بەڕێوەبەری کاروباری ڕاگەیاندن و پەیوەندیی گشتیی وەزارەتی کاروباری شەھیدان و قوربانیانی ئەنفال لە ھەرێمی کوردستان ڕایگەیاند: بڕیارە شاندێک بە سەرۆکایەتیی جێگری وەزیرو بە بەشداریی کۆمەڵێک لە بەڕێوەبەران و بەرپرسانی بەشە جۆربەجۆرەکانی ئەم وەزارەتخانەیە سەردانی بەغدا بکەن و لەگەڵ بەرپرسانی پزیشکی یاسا، دامەزراوەی شەھیدان و کۆمەڵێک لە دامەزراوەکانی دیکەی عێراق دیدار بکات.
عادڵ ساڵح وتیشی: ئامانج لەم دیدارە گەڕاندنەوەی ڕۆفاتی ١٧١ قوربانیی ھێرشی بەرەکوژیی کورد لە لایەن ڕژێمی سەددام ناسراو بە ئەنفالە کە تەرمەکانیان لە ساڵی ٢٠١٩ لە بیاوانەکانی باشووری سەماوە دۆزراوەتەوە.
