هۆشیار عەبدوڵڵا: دەسەڵاتدارانی هەرێم لە کاتی خۆپیشاندان دا دەبنە دێوەزمەیەکی بێ بەزەیی
سیاسەتوانی کورد و نوێنەری بزوتنەوەی گۆڕان لە پەرلەمانی پێشووی عێراق لە توییتێکدا لە هەڵسوکەوتی دووفاقیی بەرپرسانی هەرێم لە ھەمبەر خۆپیشاندانەکاندا ڕەخنەی گرت.
بەپێی ڕاپۆرتی ئاژانسی هەواڵدەریی میهر ، «هۆشیار عەبدوڵڵا» نوێنەری بزوتنەوەی گۆڕان لە پەرلەمانی پێشووی عێراق لە توییتەردا نووسی: بەرپرسانی حکومەتی هەرێمی کوردستان کاتێک سەبارەت بە عێراق و بەغدا بە شێوەی فەلسەفی قسە دەکەن، بۆنی دۆلاری نەوتی دەدەن و دەبنە پارێزەری دیمۆکراسی و ئازادیی ڕادەربڕین.
«ھۆشیارعەبدوڵڵا» لە توییتەکەیدا جەختی لەوە کردەوە کە، هەر ئەو بەرپرسانە کاتێک ناڕەزایەتی یان خۆپیشاندانێکی ئاسایی لە هەرێم ڕوو دەدات، دەبنە دێوەزمەیەکی بێ بەزەیی و ناجوامێرو خۆپیشاندەران بریندار دەکەن و دەیانکوژن.
ناوبراو لە کۆتایی توییتەکەیدا ئەوەشی نووسیویە کە: داخۆم دیمۆکراسی چ ڕەنگێکی هەیە، سەوز یان زەرد؟
