لە ھەرێمی کوردستانیش دا ھەست بە بوومەلەرزە کرا
پاشنیوهڕۆی ئهمڕۆ شەپۆلی بوومەلەرزەکان ههرێمی کوردستانیشی گرتەوەو هاوڵاتیان لە شارەکانی هەولێرو سلێمانی و دهۆک هەستیان پێکرد.
بە پێی ڕاپۆرتی کەناڵی ئاسمانیی سەحەر بە گێڕانەوە لە میدیاکانی ھەرێمی کوردستان، «ئاسۆ کهمال» بهڕێوهبهری فەرمانگەی کەشناسی و بومهلهرزهزانی سلێمانی به رایگهیاند، دوابەدوای ھەژێندرانی ناوچەگەلێکی وڵاتانی تورکیاو سووریا، ھەرێمی کوردستانیش وەک دراوسێیەکی ئەم وڵاتانە ھێندێک لە ناوچەکانی پاشەلەرزەی بوومەلەرزە گرتیەوەو له شارهکانی ههولێر، سلێمانی، دهۆک و چهند ناوچهیهکی دیکه ههستی پێ کرا.
وەک لە ھەواڵەکاندا ھاتووە جگە لە هەرێمی کوردستان، خەڵک لە بەغدای پایتەخت و پارێزگاکانی دیکەی عێراقیش ھەستیان بە ھەژانی زەویی ژێرپێیان کردو ئەمەش ھێندێک ترس و دڵەڕاوکێی لەنێو شارومەندانی عێراقی دا دروست کرد.
بەیانی ئەمڕۆ دووشەممە، بوومەلەرزەیەک بە گوڕی ٧.٧ پلە بە پێوەری ڕێختەر چەندین پارێزگای باشووری تورکیا لە تەنیشت سنوورەکانی سوریای هەژاند و زیانی زۆری گیانی و دارایی بۆ هەردووک وڵاتەکە لێ کەوتەوە.
