SAHAR

پێگەی بلومبێرگ لە ڕاپۆرتێکدا لە زاری بەرپرسانی تورکیاوە ئەو زانیارییەی ئاشکراکردووە کە تورکیا نێوەندگیریی لەنێوان حکومەتی ناوەندیی و حکومەتی هەرێم لەسەر هەناردەکردنەوەی نەوتی هەرێم کردووە.

هەر بەگوێرەی راپۆڕتی بلومبێرگ، پەیوەست بەو پێبژاردنەی دادگای پاریس لە کەیسی هەناردەکردنی نەوتی هەرێم بەبێ ئاگاداریی بەغدا بڕی یەک ملیار و 500 ملیۆن دۆلاری دیاریکردووە، بەڵام بەرپرسانی ئەنقەرە نەیان شاردووەتەوە کە ئەوان پابەند نابن بە پێدانی ئەو پارەیە بە بەغدا.

بلومبێرگ لە ڕاپۆرتەکەیدا زانیاریی ئەوەی لەزاری بەرپرسانی تورکیاوە ئاشکراکردووە، کە داوایان لە هەرێمی کوردستانی عێڕاق کردووە ئەو پێبژاردنە بداتە بەغدا بەهۆی ئەوەی کێشەکە لەنێوان هەولێر و بەغدایە، نەك بەغدا و ئەنقەرە.