به‌هۆی بۆردومانی تورکیاوه دوو شاروومەندی هه‌رێمی کوردستانی عێراق گیانیان له‌ده‌ستدا
ئادار 09, 2024 08:00 Asia/Tehran
به‌ره‌به‌یانی هه‌ینی دوو هاوڵاتیی مه‌ده‌نی له شیلادزێ به‌هۆی بۆردومانی تورکیاوه گیانیان له‌ده‌ستدا و که‌سێکی دیکه‌ش بریندار بوو.
به‌گوێره‌ی زانیاریه‌کان؛ فڕۆکه جەنگییەکانی تورکیا بۆردومانی ژمارێک هاووڵاتیان کردووه که بۆ کۆکردنه‌وه‌ی گژ و گیای به‌هاری چووبوونه چیای گرێ لە سنوری ناحیەی شیلادزێ-ی سه‌ر به پارێزگای دهۆک.
شایانی باسە ئه‌و هاوڵاتیانه‌ی گیانیان له‌ده‌ستداوه ته‌مه‌نیان له‌نێوان 35 بۆ 40 ساڵان بووە و خەڵکی گوندی "دێویکی"ـن هەڵکەوتوو لە باشووری ناحیەی شیلادزێ لە پارێزگای دهۆک.
