بەغدا ڕەوانە کردنی پاره‌ى موچه‌ى فه‌رمانبه‌رانى هه‌رێمی ڕاگەیاند
ته‌مووز 10, 2024 13:45 Asia/Tehran
وه‌زاره‌تى دارایی عێراق ڕه‌وانه‌کردنى پاره‌ى موچه‌ى فه‌رمانبه‌رانى هه‌رێمى ڕاگه‌یاند و ئاشکراشی کرد،"بڕی چوارسەد و بیستو یەک ملیار و حەوتسەدو شەست ملیۆن دینار خرایەسەر هەژماری بانکی وەزارەتی دارایی هه‌رێمى کوردستان".
له‌ڕاگه‌یه‌نراوێکدا وه‌زاره‌تى دارایی عێراق ئاشکرایکردوه، کەمێک لەمەوبەر بڕی چوارسەد و بیستو یەک ملیار و حەوتسەدو شەست ملیۆن دینار وەک بەشێک لەشایستەی موچەی مانگی حوزەیرانی فەرمانبەرانی شارستانیی هەرێم خرایە سەر هەژماری بانکی وەزارەتی دارایی و ئابوری ل ەلقی هەولێری بانکی ناوەندی عێراق.
به پێی ڕاگەیاندنی میدیاکان، له‌م موچه‌یه‌شدا که به‌غدا ڕه‌وانه‌ى کردووه، موچه‌ى هێزه ئه‌منیه‌کانى تێدا نییه و په‌رله‌مانتارێکى کوردیش له‌به‌غدا ڕایده‌گه‌یه‌نێت، موچه‌ى هێزه ئه‌منییه‌کان زیاتر دواده‌که‌وێت.
