کۆمپانیای نوروێژی دی ئین ئۆ بە بڵاوکردنەوەی ڕاپۆرتی کاروکردەی سێ مانگەی یەکەمی ساڵی ٢٠٢٥ ڕایگەیاند کە مام نێونجی بەرهەم هێنانی نەوتی مەیدانی تاوکێ لە هەرێمی کوردستان گەیشتووە بە زیاتر لە ٨٢ هەزاربەرمیل لە ڕۆژدا.

کۆمپانیای نوروێژی دی ئین ئۆ کە لە مەیدانی نەوتی تاوکی لە هەرێمی کوردستان چالاکی دەکات، داتاکانی هاوپێوەند بە ئاستی بەرهەمهێنانی نەوتی خۆی لە سێ مانگەی سەرەتای ساڵی ٢٠٢٥ بڵاوکردەوە

ئەم کۆمپانیایە لە سێ مانگی سەرەتای ئەمساڵیش هەروەک دەورەکانی ڕابردوو، پشکی خۆی لەنەوتی هەرێمی کوردستان فرۆشتووە بە کڕیارانی ناوخۆیی وپارەکەشی بە تەواوەتی وەرگرتووە. ئەم مژارە بە هۆی ڕاگیرانی هەناردەکرانی نەوتی هەرێمی کوردستان بە تورکیا لە ٢٥ی مارسی ٢٠٢٣ هەتا ئێستاکە یە. 

مام نێونجی بەرهەم هێنانی نەوتی مەیدانی تاوکێ لە سێ مانگی سەرەتای ئەمساڵ ٨٢ هەزارو٨١ بەرمیل لە ڕۆژدا بووە،لەحاڵیکدا کەئەم ڕێژەیە لە ساڵی ڕابردوو ٧٦ هەزارو٣١٠ بەرمیل لە ڕۆژ ڕاگەێندرابوو. بەرهەمهێنانی نەوت لەم  مەیدانە لە ساڵی ٢٠٠٧ دەستپێکرا. لە یەکی ژوئەنی ٢٠٠٩ کۆمپانیای دی ئین ئۆ بۆ یەکەم جار هەناردەکرانی نەوت لە هەرێمی کوردستان لە ڕێگەی هێڵەکانی وبوری کەرکووک - جیهان وتانکرەکان ڕاگەیاند.

لە باری بارستای بەرهەمهێنان ، مەیدانی تاوکێ دوای مەیدانی خورمالە، کەدووهەمین مەیدانی گەورەی نەوتی هەرێمی کوردستان دێتە ئەژمار . ئەم مەیدانە لە سەردەمێکدا سەتی ٢٥ پوینت ٥١ لە گشت بەرهەمهێنانی نەوتی هەرێمی کوردستانی بە خۆ تەرخان دابوو.