SAHAR

سودە سەرسورهێنەرەکانی لیمۆ هه‌موومان ده‌زانین که‌ لیمۆ یه‌کێکه‌ له‌ میوه‌ زۆر به‌سوده‌کان، بۆیه‌ هه‌میشه‌ وتراوه‌ رۆژی لیمۆیه‌ک بخۆ چونکه‌ پێویسته‌ بۆ ته‌ندروستی. لیمۆترش دەوڵەمەندە بە ڤیتامین سی، ئەسید سیتریک و فلاوونۆئید و ئانتی ئۆکسیدان و دۆستی تەندروستی مرۆڤە. لیمۆ رێگە دەگرێ لە کۆبوونەوە چەوریی لە لەشدا، یارمەتی بە هەرس کردنی خۆراک دەداو دژی هەڵامەتە و تەنانەت بۆ خاوێنکردنەوەی ناو ماڵیش بە کاردێ. سودێکی زۆری هه‌یه‌ بۆ جوانکردنی رووخسار به‌وه‌ی که‌ له‌چه‌وری و به‌کتریا ده‌تپارێزێت.

ئاوی لیمۆ چارەسەرێکی باشە بۆ لەکە و پەڵڵەی سەر دموچاو . به‌ خواردنی لیمۆ یان 2 قه‌تره‌ لیمۆ بکه‌ره‌ سه‌ر فڵچه‌ی ددانه‌که‌ت، ددانه‌کانت سپی ده‌که‌یته‌وه.‌ چەند دڵۆ پ لە ئاوی لیمۆ لە دەستت هەڵسو بۆنی ئه‌و سیرو پیازه‌ ده‌بات که‌ له‌ کاتی ئیش کردندا به‌کارت هێناوه‌.

لیمۆ تەنانەت بۆ قژ و مووی سەریش سوودی هەیە، دژی بلۆق وزیپکەی زار و زمانە، هەڵبەت سەرەتا زمان دەسوتێنتەوەو هەستێکی ناخۆش بە کەسەکەدەدا بەڵام وردە وردە دەرمانی دەکا. ئەگەر لە سەفەر و سەیران و گەڕان گومانتان بە ئاوی خواردنەوە هەیە چەند دلۆپ لیمۆ لە ئاوەکە بکەن، ئاوەکە ئیسترلیزە دەکا .