روحانی: رادیۆتەلەفزیون پێشەنگی بەرەنگار بوونەوەی شەڕی دەروونیی دوژمنە
سەرۆکی کۆماری ئیسلامیی ئێران وتی : میدیای نەتەوەیی لە پێشەنگی بەرەنگار بوونەوەی شەڕی دەڕوونیی دوژمنانە بۆ زەبردان لە متمانە و هیوای گەل و هۆکاری سەرەکیی بیروڕای گشتی بۆ ڕاوەستان لەبەرامبەر گوشاری دوژمنانیشە .
حەسەن روحانی ئێوارەی ڕوژی چوارشەممە لە کۆبوونەوەیەک دا لەگەڵ سەرۆک، جێگران و بەڕێوەبەرانی باڵای ڕێکخراوی ڕادیۆ تەلەفزیونی ئێران، بەڕاگەیاندنی ئەمەی کە بەڕێوەبەرانی ڕادیۆتەلەفزیون لە بارودۆخی ئێستا دا بەرپرسایەتییەکی قورسیان لە سەر شانە و بە ئاگاداری لەوە ئەرکەکانیان جێ بەجێ دەکەن، وتی : میدیای نەتەوەیی دەورێکی کاریگەری لە گەشاندنەوەی هیواو بەهێزکردنی شایی و یەکێتی و هاوپشتیی کۆمەڵگە دا دەگێڕێ و دەزگایەکی بەتوانایە بۆ بانگەوازو دنەدانی ئەرێنی کە زۆربەی خەڵک سەرنجی دەدەنێ .
سەرۆکی کۆماری ئیسلامیی ئێران وتیشی : بەرەنگار بوونەوەی داعش لە ناوچەکەو کارتێکەرییە ئەرێنیەکەی ئێران لە سەقام و ئاسایشی ناوچەکە و پێشگرتن بە دووبەرەکی نانەوەی دوژمنان و داکۆکی کردن لە خەڵکی ستەملێکراوی فەلەستین، بوەتە هۆی توڕەیی دوژمنانی ڕق لەدڵی ئێران و ھەر بۆیە بەدوای ئەوەدان هەتا پاوەجێیی گەل و نیزام تێک بشکێنن .
رۆحانی پێداگری کرد : ئەمڕۆ کە بایخی ئینقلابی ئیسلامی لە زۆربەی ناوچەکانی جیهان کاریگەر بووە وزۆرێک لە وڵاتان و گەلانی جیهان پشتیان بەم بایخانە بەستووە، دوژمنان بەنیازی دووبەرەکی نانەوە بە دژی ئەم بایخانەن کە دەبێ بە هەوڵ و فیداکاری لەبەرامبەر هەوڵەکانیاندا خۆراگری بکەین و بەهێز بین .
روحانی و ێڕای پێداگری لەسەر ئەمەی کە بەدڵنیاییەوە گەلی ئێران لەبەرامبەر پیلان و گوشارە ناشیاوەکانی دەوڵەتی ئەمریکا هیچکات تەسلیم نەبووە و ئەوانیش هیچکات بە ئامانجیان ناگەن، وتی : دەبێ هەوڵ بدەین، هەرچەشنە نیگەرانییەک بەرامبەر بە داهاتوو کە ئامانجی دوژمنە، کەم کەینەوەو دڵنیایی بدەین کە هیچکات مۆڵەت نادەین گەلەکەمان بۆ دابین کردنی پێداویستییەکانی تووشی گرفت بێت .
سەرۆکی کۆماری ئیسلامیی ئێران بە ئاماژەدان بەمەی کە بەدڵنیاییەوە دەوڵەت، مەجیلس و دامەزراوەکانی دیکەی نیزامی کۆماری ئیسلامیی ئێران لە تەنیشت گەل و بە ڕێشاندان و مۆچیاریی ڕێبەری ، بەسەر گرفتەکان دا سەردەکەون و دوژمنان هیوابڕاو دەکەن وتیشی : ئەگەر لەبەرامبەر ھەوڵی تێکدەرانەو پیلانی دوژمنان بەهێز بین و خۆڕاگربین، هیچکات ناتوانن زەبر لە گەل و نیزامی ئێران بوەشێنن.
