بێعسەتی پێغەمبەری ئیسلام(د.خ) گەورەترین ڕووداوی شوێندانەری مێژوو
ئێرانی ئیسلامی لە شەوی جێژنی مەبعەسی پێغەمبەری بەڕێزی ئیسلام ، حەزرەتی محەممەد (د.خ) ، سەرانسەر جێژن و شادییە .
خەڵکی ئێرانی ئیسلامی لە 27ی مانگی ڕەجەب ، بە بەڕێوەبردنی ڕێ و ڕەسمی شادی و دانی شیرنی و شەگەڵات ، مەبعەسی پێغەمبەری بەڕێزی ئیسلام (د.خ) دەکەن بە جێژن .
ئێرانی ئیسلامی بەتایبەت شارە پیرۆزەکانی مەشهەد و قوم لە شەوی جێژنی مەبعەسی پێغەمبەری خاتەم حەزرەتی محەممەد (د.خ) نوقمی شادی و خۆشی بوو و بارە گای مەلەکووتی حەزرەتی ئیمام ڕەزا (د.خ) و کەریمەی ئەهلی بەیت (د.خ) لە مەشهەد و قوم تژی لە شەیدایان و ئەڤیندارانی ماڵباتی عیسمەت و تەهارەت (س) بوو کە هاتبوون تا ئەم شەوە تەواو نوور و ڕەحمەتە لە ئیمامی ڕەئوف و حەزرەتی مەعسوومە (س) پیرۆزبایی بکەن.
جێژنی مەبعەس ڕۆژێکە کە پێغەمبەری بەڕێزی ئیسلام (د.خ) لەلایەن خودای تەبارەک و تەعالاوە بۆ پێغەمبەری هەڵبژێردرا .
ڕەسووڵی خۆشەویستی ئیسلام گرینگترین ئامانجی بیعسەتی بە تۆکمە بوونی ئاوەز و ئاقڵ زانیوە چوونکە پاوەجێ بوونی ڕەوتی تاقانە پەرەستی لە کۆمەڵگای مرۆڤایەتیدا، تەنیا لە ڕێگای بردنەسەری ئاستی ئاوەزەکان دەستەبەر دەبێت. ئینسانێک کە لە دەروونی خۆی تێنەگەیشتبێت، سەری کڕنۆش بۆ داروبەرد و قوڕ دادەنەوێنێ، بەڵام مرۆڤی بەئاوەز کە لە سەرچاوەی هەستی تێگەیشتووە، سپاسی خولقێنەری ئەو شتانە دەکات.
بیعسەتی پێغەمبەری بەڕێزی ئیسلامی (د.خ) ، دەسپێکی ڕێگایەکە تاکوو مرۆڤ لە زوڵم و گەندەڵی و نەزانی بێتە دەر و بەرەو تەوحید و مەعنەویەت و دادگەری کەرامەت هەنگاو هەڵبگرێت.
پێغەمبەری بەڕێزی ئیسلام (د.خ) لە حەدیسێکدا فەرموویەتی: "خودا هیچ پێغەمبەر و ڕەسووڵێکی هەڵنەبژارد مەگەر بۆ ئەوەی ئاوەزەکان تۆکمە بکات و ئاقڵەکان بە لووتکەی تێگەیشتن بگەینێت، هەر لەم سۆنگەوە دەبێ ئاوەزی ئەو لە ئاقڵی ئوممەتەکەی سەرتر و زیاتر بێت."
ڕادیۆ و تەلەڤیزیۆنی کۆماری ئیسلامیی ئێران گەیشتنی ساڵڕۆژی بیعسەتی پێغەمبەری بەڕێزی ئیسلام ، حەزرەتی محەممەد (د.خ)، گەورەترین جێژنی موسوڵمانانی جیهان ، لە سەرجەم موسوڵمانان و ئازادیخوازانی دیکەی جیهان پیرۆزبایی دەکات .
