وەزیرانی دەرەوەی ئێران و ژاپۆن لەبارەی پەیوەندییە دوو قۆڵییەکان، دواگۆڕانکاریی وجم و جۆڵە دیپلۆماتیکییەکان سەبارەت بە جێ بەجێ کرانی ڕێککەوتنی ئەتۆمی، گرینگترین پرسە ناوچەیی و جیهانییەکان بۆ وێنە بارودۆخی کەنداوی فارس و رۆژهەڵاتی ناوەراست، دیدار و وتووێژیان کرد.

بەپێی ڕاپۆری هەواڵدەریی ئیرنا؛ "محەممەد جەواد زەریف" وەزیری دەرەوەی ئێران کە سەردانی ژاپۆنی کردووە، رۆژی سێ شەممە لەگەڵ "کۆنۆ کارۆ"ی وەزیری دەرەوەی ئەو وڵاتە لە شاری بەندەریی"یوکوهاما" دیدار و وتووێژی کرد.

سەرۆکی دەزگەی دیپلۆماسیی ئێران پێش سەفەر بۆ ژاپۆن، سەردانی چینی کرد و لەگەڵ "وانگ ئی" وەزیری دەرەوەی ئەو وڵاتە دیدار و وتووێژی کرد.

تاووتوێی ڕەهەند ولایەنە جیاجیاکانی پەیوەندیی دوو قۆڵی و گرینگترین پرس وبابەتە ناوچەیی و نێودەوڵەتییەکان لە تەوەرەکانی وتووێژی نێوان وەزیرانی دەرەوەی ئێران و چین بوو.

زەریف لەدرێژەی گەشتە ئاسیاییەکەیدا بڕیارە سبەی چوارشەممە سەردانی مالزیا بکا.

چین و ژاپۆن لەهاوبەشانی ئابوری و کڕیانی نەریتیی نەوتی ئێرانن.