وتەبێژی نوێی وەزاڕەتی دەرەوەی ئێران دەسنیشانکرا.

بە پێی راپۆرتی ھەواڵدەریی رادیۆ تەلەفزیۆنی ئێران ، رێوڕەسمی ناساندنی سەعید خەتیب زادە وەک بەڕێوەبەری گشتیی راگەیاندن و وتەبێژی میدیایی وەزاڕەتی دەرەوەی ئێران و ماڵاوایی کردن لە سەید عەباس موسەوی لەم پۆستە ، ئەمڕۆ یەکشەمە بە ئامادەبوونی محمەد جەواد زەریف وەزیری دەرەوەی کۆماری ئیسلامیی ئێران بەڕێوەچوو . 

خەتیبزادە بەر لەوە جێگری وەزیری دەرەوەی ئێران بۆ کاروباری توێژینەوەی سیاسی و نێودەوڵەتیی بووە و وەک دیپلۆماتی ئێران لە کەنەدا و ئاڵمان کاری کردووە . 

سەید عەباس موسەوی وتەبێژی پێشووی وەزاڕەتی دەرەوی ئێرانیش کرا بە باڵوێزی ئێران لە کۆماری ئازەربایجان .