ڕۆحانی: بۆ ئێران گرینگ نییە لە ئەمریکادا چ ڕوو دەدات
سەرۆک کۆماری ئێران بە دەربڕینی ئەمەی کە ھەڵبژاردنی ئەمریکا لە ڕوانگەی جۆربەجۆرەوە پەندو وانەیە ، پێی داگرت: بۆ تاران گرینگ نییە لە ئەمریکادا چ ڕوو دەدات و کێ دەبێتە سەرۆک کۆمار.
«حەسەن ڕۆحانی» سەرۆک کۆماری ئێرانی ئیسلامی ڕۆژی چوارشەممە لە کۆبوونەوەی ئەنجومەنی وەزیران وێڕای پێداگرتن لە سەر ئەمەی کە ئەمریکا دەبێ بگەڕێتەوە بۆ یاساو تەواوی پەیمانە نێونەتەوەیی و چەندلایەنییەکان، وتیشی: ئەمریکا دەبێ لە باتی بایکۆت ڕێزمەندی، لە باتی ھەڕەشەو گوڕەشە ستایش و لە باتی پەیمان شکاندن و یاسا بەزاندن ، ڕاپەڕاندنی بەڵێنمەندییەکانی بەکار بھێنێ.
ڕۆحانی بە دەربڕینی ئەمەی کە ئەو شێوازەی کە لە دەوڵەتی ئەمریکا بەکار دەھێندرێت گرینگایەتییەکی زۆری ھەیە، وتیشی: ئەگەر ئەمریکیەکان تێ گەییشتن و پەندیان وەرگرت ئەوسا دەبێ ڕێگایەکی دیکە بگرنە بەر.
سەرۆک کۆماری ئێرانی ئیسلامی ھەروەھا وێڕای ئاماژە کردن بە ھەل و مەرجی ناوچەکە و سنوورەکانی باکوورو باکووری ڕۆژئاوای وڵات وتیشی: ئاسایشتی سنوورەکان و ئەمەی کە تیرۆریستان و تاقمە تیرۆریستەکان لە نزیک سنووری ئێران بە ھیچ کلوجێک ئامادە نەبن و سنوورە جوگرافیاییەکان نەگۆڕدرێت بۆ تاران گرینگە.
سەرۆک کۆماری ئێرانی ئیسلامی ھەروەھا وێڕای ئاماژە کردن ھەنگاوە تیرۆریستییەکان لە ناوچە جۆربەجۆرەکانی جیھان لە ماوەی ڕۆژانی ڕابردوو وتیشی: ھێرشی سەر پەرەستگەو قوتابخانەو زانگۆ کردارێکی ئیدانەکراوە.
ڕۆحانی وتییشی: ئەوانەی وا سوکایەتی بە پێغەمبەری ئیسلام دەکەن کارێکی ناشایست و کرێت دەکەن و ئەوانەش کە تیرۆر دەکەن ھەر کارەکەیان ھەڵەو ناشایست و دژی مرۆڤانەیە.
