خەتیب زادە: نەورۆز سەرچاوەی کلتوورو داب و نەریتی زۆرێک لە نەتەوەکانی ناوچەکەیە
وتەبێژی وەزارەتی کاروباری دەرەوەی کۆماری ئیسلامیی ئێران پێی داگرت: ئەوەی وا بە ناوی کلتووری نەورۆزەوە دەیناسین ، سەرچاوەی کلتوورو داب و نەریتی زۆرێک لە نەتەوەکانی ناوچەکەیە.
بە پێی ڕاپۆرتی ئیرنا، «سەعید خەتیب زادە» وتەبێژی وەزارەتی کاروباری دەرەوەی کۆماری ئیسلامیی ئێران ڕۆژی دووشەممە لە ئاھەنگی «نەرۆزی ١٤٠٠ی دۆستایەتی» وتی: نەورۆز لە دۆڵی «سێند»ەوە ھەتا ڕۆژئاوای ئاسیاو قەوقاز بەرپا دەکرێت و ئەم ھەمەچەشنی و بەربڵاوییە بە بەرەکانی ئەمڕۆش گەییشتووە.
وتەبێژی وەزارەتی کاروباری دەرەوەی کۆماری ئیسلامیی ئێران وتیشی: نەورۆز بە گۆڕانکاری و تازە بوونەوەوە گرێ دراوە.
«خەتیب زادە» بە دەربڕینی ئەمەی کە ھیوادارین بە دەست پێ بوونی وەرزی بەھار شایەتی بنەبڕکرانی ڤایرۆسی کۆرۆناو ڕسکانی تەندروستیش بین، وتی: نەورۆز وەرزێکی ھاوبەشە بۆ ھەمووان و بۆ جەماوەری ئێران، ناوچەکەو تەواوی نەتەوەکان ئاواتی نەورۆزێکی ئاوێتەی تەندروستی و گەشەو دۆستایەتیی دەخوازین.
ئاھەنگی «نەرۆزی ١٤٠٠ی دۆستایەتی» ڕۆژی دووشەممە لە بینای وەزارەتی دەرەوەی ئێران و بە ئامادە بوونی باڵوێرانی بیانیی دانیشتووی تاران و بە لێدوانی «موحەممەد جەواد زەریف» وەزیری کاروباری کۆماری ئیسلامیی ئێران بەرپا کرا.
