ئەرتەشی کۆماری ئیسلامیی ئێران بە بۆنەی چل و یەکەمین ساڵگەڕی حەوتەی بەرەڤانیی پیرۆز بە بڵاو کردنەوەی بەیاننامەیەک ڕایگەیاند: ئاوڕدانەوە لە کارنامەی پڕلەشانازیی ئەرتەشی کۆماری ئیسلامیی ئێران وا دەردەخات کە بەشێکی ھەرە گرینگی پێشکەوتن و تواناییەکانی وڵات لە ئەزمونەکانی شەڕی داسەپاوەوە سەرچاوەی گرتووە.

بە پێی ڕاپۆرتی ڕۆژی سێ شەممەی پەیوەندییە گشتییەکانی ئەرتەش، لە دەقی بەیاننامەکەی ئەرتەشی ئێراندا بە بۆنەی چل و یەکەمین ساڵگەڕی حەوتەی بەرەڤانیی پیرۆز ھاتووە: زانکۆیەکی مەزنی لەخۆبردوویی ، بەرچاوڕوونی و داھێنانی ئەو لاوانەیە کە لە دژوارترین ھەل و مەرج دا بە لەخۆبردوویی و بوێری ئەزمونگەلێکی گەورەیان وەپشت سەر ناو لە گۆڕەپانەکانی شەڕدا بە پشتبەستن بە چەکی ئیمان و باوەڕو ورەی جەنگاوەری لە بەرامبەر پیلانە نەگریسەکانی دوژمنانی قەسایقەسی شۆڕش و پلانگێڕەکان وەستان.

لە درێژەی ئەم بەیاننامەیەدا ھاتووە: ئاوڕدانەوە لە کارنامەی پڕلەشانازیی ئەرتەشی کۆماری ئیسلامیی ئێران وا دەردەخات کە بەشێکی ھەرە گرینگی پێشکەوتن و تواناییەکانی وڵات لە ئەزمونەکانی شەڕی داسەپاوەوە سەرچاوەی گرتووەو ڕۆڵە بەجەربەزەکانی ئێرانی ئیسلامی لە گۆڕەپانی سەربازی دا توانیویانە سەرباری بایکۆتە بەربڵاوەکان بە نۆژەن کردنەوە بەرھەمھێنانی کەرەستە پێشکەوتووەکانی سەربازی و بەرەڤانی توانایی و دەستەڵاتی خۆی بەرز کاتەوەو لە ئاراستەی ھەنگاوی دووھەمی شۆڕش دا بە خێراییەکی زیاترەوە بجوڵێنەوە.