دانوستانکارانی باڵای سێ وڵاتی ئەوروپایی دوانیوەڕۆی شەممە لە ھوتێل کۆبۆرگی ڤیەنا لە گەڵ عەلی باقری جێگری وەزیری دەرەوەی ئێران کۆبوونەوە .

بە پێی راپۆرتی ئیران پرێس ،  ئەم دیدارە لە درێژەی راوێژکاریەکان لە ڤیەنا لە چوارچێوەی دانوستانەکانی ئێران و گروپی 1+4 بە مەبەستی ھەڵوەشاندنی بایکۆتەکان بەڕێوەچوو . 

 رۆژی شەممە ھەروەھا راوێژکاریەکان لە ئاست و فۆرمەتی جیاجیا لە نێوان شاندەکان بەردەوام بوو . 

 بڕیارە ئەمڕۆ یەکشەممەش چەندین کۆبوونەوە بە شێوەی دوو و چەن قۆڵیی لە نێوان شاندەکان بەڕێوەبچێ . 

 عەلی باقری دانوستانکاری باڵای کۆماری ئیسلامیی ئێران رۆژی شەممە لە وتووێژێک دا بە ئاماژە بەوەی کە بابەتەکانی ناکۆکی لەسەری شەش دەور دانوستانی پێشوو لە ڤیەنا ھێشتا یەک لا نەکراون ، گوتی : ئێران شتێک کەمتر لە بەرجام ( ھەنگاوی ھاوبەش) قەبوڵ ناکات . 

لە خولی حەوتەمی دانوستانەکان ، ئێران  لەسەر دوو بابەتی لابردنی بایکۆتەکان و پرسە ناڤۆکیەکان پێشنیاری خستووەتەڕوو .