بەرزبوونەوەی ھەناردەی کاڵا لە سنووری فەرمیی پەروێزخان بۆ عێراق
کانونی دوھەم 31, 2022 18:20 Asia/Tehran
بەڕێوەبەری گشتیی گومرکی دەزوازەی فەرمیی پەروێز خانی پارێزگەی کرماشان گوتی : لە دە مانگی رابردوودا نزیکەی 2 میلیۆن تەن کاڵا لەم دەروازە فەرمیەوە بۆ عێراق نێردراوە .
قاسم موتەللیبی رۆژی دوشەممە لە وتووێژ لە گەڵ ئیرنادا گوتیشی : نرخی کاڵا ھەناردە کراوەکان لەم سنوورەوە ، زیاتر لە 800 میلیۆن دۆڵارە .
بە وتەی موتەللیبی ، زۆربەی ھەرە زۆری کاڵا نێردراوەکان لە سنووری فەرمیی پەروێزخان بۆ عێراق میوە و تەڕەکاڵ ، کاشی و شیشی ئاسن بووە .
بەڕێوەبەری گشتیی دەروازەی فەرمیی پەروێز خان بە ئاماژە بە گرنگایەتیی دەروازەی فەرمیی پەروزێ خان و جێگە و پلەی ئەم دەروازە سنووریە گوتی : دەروازەی فەرمیی پەروێز خان لە نێو دەروازە سنووریەکانی ئێران دا لە پلەی یەکەمی ھەناردە بو عێراق دایە .
