ئێران ئیدانەی قەڵاچۆی دڕندانەی فەلەستینییەکان لە قوتابخانەی «ئەلفاخورە»ی کرد لە لایەن تاوانبارانی زایۆنییەوە
وتەبێژی وەزارەتی دەرەوەی ئێران بە توندی ئیدانەی ئەو کارەی رژێمی منداڵکوژی زایۆنیستیی کرد لەمەڕ کوشتنی سەدان هاوڵاتیی فەلەستین لە قوتابخانەی «ئەلفاخورە»و «تەل زەعتەر» لە جبالیا.
«ناسر کەنعانی» شەوی یەکشەممە وتی: بەداخەوە لە ئەنجامی بێ ھەڵوێستیی وڵاتانی جیهان و کۆڕو کۆمەڵە نێودەوڵەتییەکان لە بارەی ژینۆسایدی گەلی فەلەستین لە کەرتی غەززەو لێواری ڕۆژئاوا، رژێمی داگیرکەری زایۆنی ھەموو ڕۆژێک لەو پەڕی دڕندایەتی و بێ شەرمی دا توشی تاوانی جەنگیی نوێ و بە کۆمەڵکوشتنی شارومەندانی فەلەستینی دەبێت بە ژن و منداڵیشەوە لە ماڵ و نشینگەو کەمپەکاتییەکانی ئاوارەو پەنابەران.
بەڕێزی خوازیاری ھەست بە بەرپرسیارێتیی کردنی کۆمەڵگەی نێودەوڵەتی و بە تایبەتی ھەوڵی دەستبەجێ و بەرپەرچدەرانەی وڵاتانی ئیسلامیی کرد لە دژی کۆمەڵکوژیی ئاشکرا و دڕندانەی رژێمی تاوانکاری ئیسرائیل دژی نەتەوەی بێ دەرەتانی فەلەستین.
