کەنعانی: ڕۆژاوا شەرەفی خۆی نایە سەر شەڕی دژ بە غەززە
وتەبێژی وەزارەتی دەرەوەی ئێران لە کاردانەوە بە ستراتژیی دژبەیەکی وڵاتانی ڕۆژاوایی بەرامبەر بە فەلەستین و ڕژێمی زایۆنی نووسی: ڕۆژاوا لەم شەڕەی دژ بە غەززە وەڕێخرا شەرەفی خۆی بە با داوە و تووشی هەڵوەشانەوەی ئەخلاقی و بەلاڕێداچوونی شارستانییەتی بووە.
ناسر کەنعانی وتەبێژی وەزارەتی دەرەی ئێران لە کاردانەوە بە ستراتژیی دژبەیەکی وڵاتانی ڕۆژاوایی بەرامبەر بە فەلەستین پێیداگرت؛ بە بۆچوونی ئەمریکا و ئەورووپا، خەڵک و ئەو گرووپانەی کە بەرگری لە خۆیان دەکەن بەرامبەر بە هێزی داگیرکەری بیانی و بۆ بەرگری لە ماڵ و بنەماڵە و شەرافەتی وکەرامەتیی مرۆییان دژ بە سوپایەکی دەسدرێژکاری لە تەوقی سەر تا نووکی پێ تەیار و بکوژی ژن و منداڵ شەڕ دەکەن، تیرۆریستن و ئەو لایەنەیش کە پشتی ئەم گەلە مەزڵوومە داگیرکراوە دەگرێ، لاگری تیرۆریزمە! بەڵام ڕژێمی داگیرکەر و بکوژی زیاتر لە چل هەزار کەس تەنیا لە ماوەی دە مانگدا، کە نزیکەی دە هەزار لەو کوژراوانەش منداڵن، نەک هەر تیرۆریست نییە، بەڵکوو شیاوی هاندان و پیاهەڵوتن و هەموو جۆرە داکۆکی سیاسی، ئاسایشی، سەربازی و چەکەمەنییە!!
کەنعانی پێیداگرت: ڕۆژاوا لە شەڕی دژ بە غەززەدا شەرەفی خۆی بە با داوە و تووشی هەڵوەشانەوەی ئەخلاقی و بەلاڕێداچوونی شارستانییەتی بووە.
