سەرۆکی ئەنجومەنی باڵای ئاسایشی نیشتمانیی ئێران وتی: وەڵامی ئێران بۆ ئەمریکا، ڕژێمی زایۆنی و ئاژاوەگێڕانی ناوخۆ بە تەواوی ڕوونە.

عەلی لاریجانی لە پەراوێزی کۆبوونەوەی خەڵک لە تاران وێڕای شەرمەزارکردنی کردەوە تیرۆریستییەکانی ئەمریکا و ڕژێمی زایۆنی لە دژی نەتەوەی ئێران وتی: ئامادەبوونی ژمارەیەکی زۆر لە خەڵک لە کۆبوونەوەی ئەمڕۆدا نیشانە و پەیامێکی ڕوونە بۆ ئاژاوەگێڕان و لایەنگرانی ئەمریکی و زایۆنی .  سەرۆکی ئەنجومەنی باڵای ئاسایشی نیشتمانیی ئێران لە کاردانەوە بە ئەگەری پەلاماری ئەمریکا و ڕژێمی زایۆنی بۆ سەر ئێران وتی: هێزە چەکدارەکانی ئێران پلانیان بۆیان  داڕشتووە . بێگومان بە شێوەیەک دەجوڵێنەوە کە بۆیان  پڕئێش و ئازار بێت.