فەرماندەری قەرارگای ناوەندیی خاتەموڵئەنبیای کۆماری ئیسلامی ئێران لە پەیامێکدا بە بۆنەی ڕێو ڕەسمی بەڕێکرانی تەرمی پاکی ڕێبەری خەباتکاری شەهیدی شۆڕشی ئیسلامی وتی : دوژمنانی ئێرانی بەهێز و هاودەستانی ناوچەیی و واوە ناوچەیی ئاگادار دەکەینەوە کە خۆیان لە هەر جۆرە هەڵسەنگاندنێکی هەڵە دوور بخەنەوە و بیر لە کاردانەوەی سەخت و پەشیمانکەرەوەی ڕۆڵەکانی نەتەوەی ئێران لە هێزە چەکدارەکاندا بۆ هەر هەڕەشە و دەستدرێژییەک بکەنەوە.

 سەرلەشکەر پاسدار فڕۆکەوان  عەلی عەبدوڵڵاهی، فەرماندەی  قەرارگای ناوەندیی خاتەموڵئەنبیا(د.خ) ڕایگەیاند: شەهیدبوونی مەزلوومانەی تاکە  ڕێبەری ئەو سەردەمە، قائیدی   پلە بەرزی  ئومەتی   ئیسلامی حەزرەتی ئایەتۆڵڵا  عوزما ئیمام سەید عەلی خامنەیی ڕەحمەتی خوای لێ بێت، لە سەرەتای شەڕی سەپێنراو و دەسدرێژکارانەی ئەمریکا و ڕژێمی زایۆنی تیروریست هەرچەند خەسارێکی ماڵوێرانکەر و خەمێکی پڕ لە ئازار و دڵتەزێنە  بۆ ئومەتی ئیسلامی و خەڵکی ئازادی جیهان، بەڵام خوێنی پاکی ئەو  سەربەرزی و شەرەف و سەربەخۆیی ئێران    لە پێشوو زیاتر و  بەهێزتر دەکات. سەرلەشکەر عەبدوڵڵاهی زیادی کرد: ئەو ڕێبەرە ژیر و دووربینە، بە متمانەکردن بە هێزە  بڕوادار و شۆڕشگێڕەکان، توانی هێزی بەرگریکاری کۆماری ئیسلامی بۆ لوتکە بەرز بکاتەوە. ئەم دەسەڵاتە بەجۆرێک بوو کە دوژمنان سەرەڕای باشترین ئامێر و چەکی سەربازی و تێکەڵاو، هەمیشە لە شەڕی دووەم و سێیەمدا تێچووی قورسی شەڕانگێزییان دەبینی و تامی زەلیلی و سەڕشۆڕییان چێشت . سەرلەشکەر عەبدوڵڵاهی فەرماندەی قەرارگای خاتەموڵئەنبیا  و ئەرکانی گشت هێزە چەکدارەکانی ئێران وێڕای ڕێزگرتن لە پێگەی بەرزی ڕێبەری  خەباتکار ، شەهید خامنەیی خوشەویست  (قودس و سڕە)،  وتیشی : گەورەترین ڕێز بۆ ئەو گەوهەرە بێ وێنەیە  و ڕێبەری شەهیدی خوشەویستی  ئێران درێژەپێدەری ڕێگای ئەو گەوهەرە و ڕێگای ڕووناکی ئەوە ؛ کە جەخت لەسەر پاراستنی دەستکەوتەکانی شۆڕش و بەهێزکردنی دەسەڵاتی بەرگری و پاراستنی یەکڕیزی و بەرژەوەندییە نەتەوەییەکان و خێراکردنی پێشکەوتنی زانستی و بەدیهێنانی دادپەروەری و هەنگاونان بەرەو شارستانییەتێکی نوێی ئیسلامی وەک ئەولەوییەتەکانی دەکاتەوە. سەرلەشکەر عەبدوڵڵاهی هەروەها  وتیشی : لەم ڕۆژە مەزن و فێرکاریانەدا کە دەرکەوتەی ئیرادەی ئێرانییەکانە بۆ تۆڵەسەندنەوەی خوێنی پاکی  ڕێبەری شەهید، دوژمنانی سەرسەختی ئێران و بەتایبەتی ئەمریکا و ڕژێمی زایۆنیستی و هاوکارە ناوچەیی و دەرەوە ناوچەییەکانیان ئاگادار دەکەینەوە کە خۆیان لە هەر جۆرە  هەڵسەنگاندنێکی  هەڵە بەدوور بگرن و بیر لە کاردانەوەی توند و پەشیمانکەرەوەی ڕۆڵەکانی ئێران لە هێزە چەکدارەکاندا، بۆ  ڕووبەڕوو بوونەوەی هەر هەڕەشە و دەستدرێژییەک بوسەرخاکی وڵاتە خۆشەویستەکەماندا” بکەنەوە.