هێرشی ڕژێمی ئۆکراین بۆ سەر کەشتییەکی بازرگانی ئێرانی لە دەریای خەزەر کە بە ڕاشکاوی لە لایەن سەرۆکی ئەم ڕژێمەوە دانی پێدا نراوە، نیشانەی درێژەدان بە ڕێبازی نائاوەزمەندانە و دوژمنکارانەی ڕژیمی ئۆکراینە بەرامبەر بە کۆماری ئیسلامی ئێران. کۆماری ئیسلامی ئێران بە پێداگری لەسەر ئەوەی کە هەرگیز خۆی وەرنەداوەتە نێو شەڕ و کێشەی نێوان ڕووسیا و ئۆکرانیا ، سەرنجی ئەنجومەنی ئاسایشی نەتەوە یەکگرتووەکان و وڵاتانی ئەوروپایی و هەموو ئەندامانی ڕێکخراوی نەتەوە یەکگرتووەکان بۆ ئەو ڕاستییە ئاشکرا ڕادەکێشێت کە ڕژێمی ئوکراین بە هێرشکردنە سەر کەشتییەکی بازرگانی ئێرانی،  نەک هەر پێشێلکارییەکی نێودەوڵەتیی ئەنجامداوە، بەڵکو بە شێوەیەکی مەترسیدار، هەوڵی بڵاوکردنەوەی نائەمنی  و بڵێسەپێدانی ئاگری شەڕ دەدات. هەر لایەنێک کە خەمی ئاشتی و ئاسایشی ڕۆژهەڵاتی ئەوروپا و ناوچەکانی دەوروبەری هەبێت، دەبێ هەڵوێستی بەرپرسیارانە بەرامبەر ئەم کارە مەترسیدارەی ڕژێمی ئۆکراین بگرێتەبەر و دەستەی دەسەڵاتداری ئۆکراین لەم کردەوە جەنایەتکارانە و دنەدەرانەیە بخاتە بەر لێپرسینەوە.

کۆماری ئیسلامیی ئێران بە پێی بنەما و ڕێسا بنەڕەتییەکانی مافە  نێودەوڵەتییەکان، بە تایبەت بنەمای بەرگریی یاسایی لە خۆ،  لە بەرگریکردن لە بەرژەوەندیی نەتەوەیی و ئاسایشی خۆیدا تەنیا چرکەساتێکیش درەنگ ناجوڵێتەوە. دیارە بەرپرسیارێتی لێکەوتەکانی شەڕنانەوەی سەرۆکی ڕژێمی ئۆکراین لە ئەستۆی ئەو ڕژێمە و لایەنگران و هاندەرانی دەبێت.