SAHAR

دەنگنووسان (بە ئینگلیزی: Hoarseness) نیشانەیە نەک نەخۆشی وشەیەکی گشتییە باس لەگۆڕانی دەنگ دەکات بەشێوەیەکی نائاسایی.

هۆکارەکانی تووشبوون بە دەنگنووسان

• شەلەلبوون و پەککەوتنی دەنگە ژێیەکان
• ئەستوربونی دەنگە ژێیەکان
• هەوکردنی لەناکاوی قورگ 
• گەڕانەوەی ترشەڵۆکی گەدە
• جگەرەکێشان
• خواردنی خواردنەوەی کافایین و کهولیەکان
• کۆکەی لە ڕادەبەدەر
• هەڵمژینی ماددە ژەهراوییەکان

چۆنیەتی چارەسەرکردنی دەنگ نووسان 

• کەم قسەکردن و حەساندنەوەی دەنگە ژێیەکان.
• بەکارهێنانی شرووبێکی کەمکردنەوەی کۆکە و ئازاری گەروو.
• بەکارهێنانی هەنگوونی سروشتی، تەحین، دۆشاو، ئاوی گەرم، زەیتی زەیتوون، هەموو ئەمانە ئارامکەرەوەن و یارمەتیدەرن.
• بەکارهێنانی شەکرۆکە و مژینی، هەم یارمەتی گەڕانەوەی دەنگ ئەدات و هەروەها ئازاری گەرووش کەم دەکاتەوە.
• بەکارهێنانی شیری گەرم یارمەتی حەسانەوەی گەرووت ئەدات.
• پارێزی بکە لە کێشانی جگەرە و خواردنەوەی کهولی و کافایین.
• زۆر ئاو خواردنەوە بۆ ڕێگری کردن لە وشکبوونەوە.

تێبینی
نابێت لەم حاڵەتەدا دژە بەکتریاکان بەکاربێت چونکە سوودی لێ نابینی، غەرغەرەکردن بە ئاو و خوێ زۆر بەسوودە لەم حاڵەتەدا، هەروەها تێکەڵکردنی ئاوی لیمۆ و هەنگوین و خواردنەوەی سوودبەخشە.