زیانەکانی لافاو لە پایتەختی تورکیا
حوزه‌یران 13, 2022 07:00 Asia/Tehran
بارانبارینی بەخوڕ و هەستانی ڕووبار لە ئەنقەرە، گیان لەدەستدانی کەسێکی لێکەوتەوە .
بە پێی راپۆرتی هەواڵدەریی سەداوسیما ، هەوڵی هێزەکانی فریاگوزاریی بۆ رزگارکردنی شارومەندێکی تەمەن ٦٥ ساڵ کە لە لافاوەکەدا بێسەروشوێن بووە هەروا بەردەوامە.
هەفتەی رابردوو بارانبارینی بەخوڕ لە پایتەختی تورکیا دەستیپێکرد. تا ئێستا ژمارەیەکی زۆر ئۆتۆمبێل لە لافاو کەوتوون و ژمارەیەکی زۆر بینا و دامەزراوەی ژێرخانی لەوان چەندین وێستگەی میترۆ بە ئاو گەمارۆ دراون.
هەروەها بارینی تەرزەش زیانی بە زەوییە کشتوکاڵییەکان و ژمارەیەکی زۆر ئۆتۆمبێل گەیاندووە.
بەهۆی لافاوەوە چەندین ڕێڕەوی پەیوەندی نێو شار گیراون، بەتایبەت لە ناحیەکانی ئاڵتینداغ، ئیتی مێسگوت، چانکایا، کاچی ئۆرێن، یەنی مەهاڵا و سنجان.
