وتووێژی ئاسایشتیی وەزیرانی بەرگری تورکیا و ئەمریکا
وەزیری بەرگریی تورکیا لە وتویژ لەگەڵ هاوتا ئەمریکییەکەی، جاڕنامەی ڕێکخراوەی نەتەوەکانی وەک پاسایەک بۆ بنپێکردنی سەروەریی سوریا و دەستوەردانی سەربازی لە باکووری ئەم وڵاتەدا ھێنایەوە.
«خلوسی ئاکار»وەزیری بەرگریی تورکیا دوێنێ چوارشەممە لەگەڵ «لۆید ئاستین» وەزیری بەرگریی ئەمریکا وتووێژی کردووە.
وەزارەتی بەرگریی تورکیا بە دەرکردنی بەیاننامەیەک، بابەتی بەرگری و ئاسایشتیی دوولایەنەو ناوچەیی وەک تەوەرەی وتووێژەکان ڕاگەیاند.
«ئاکار» لەم وتوویژەدا ئۆپەراسیۆنی سەربازیی تورکیا لە باکووری عێراق وسوریای بە هەڵمەتی دژە تێرۆرو مافێکی ڕەوا لە قەڵەم داو بانگەشەی کرد کە دەستوەردان و پێشێڵکردنی سەروەریی ئەو دوو وڵاتە بە گوێرەی برگەی ٥١ ـی جاڕنامەی نەتەوەیەکگرتووەکان،کردەوەیەکی یاساییە.
ئۆپەراسیۆنی سەربازیی تازەی تورکیا لە باکووری عێراق و سوریا بەناوی" "پەنجەی شمشێر" ڕووبەڕووی ڕەخنەو گازندەی بەغداو دیمەشق بووەتەوەو ھەردووک وڵاتەکە گەلێک جار خوازیاری ڕاگیرانی دەستدرێژییەکانی تورکیا بوونە.
تورکیا دوای پەلامارە تێرۆریستییەکەی ١٣ـی نۆڤەمبەری ئەستەمۆڵ کە ٦ کوژراوو ٨١ برینداری لێکەوتەوە، سەرکۆنەی ئەمریکای کرد لەبەر پشتگری کردنی لە «پەکەکە» لە سوریا . «لۆید ئاستین» لەم وتووێژە تەلەفونیەدا نەیارەتیی وڵاتەکەی لەگەڵ ئۆپەراسیۆنی سەربازیی تازەی تورکیا لەباکووری سوریا بەناوی «پەنجەی شمشێر» دەربڕی.
