ڕووسیا، خوازیاری ئەنجامگرتنی توێژینەوە لەبارەی چۆنیەتی دەسڕاگەیشتنی تیرۆریستان بە چەکئامێری بەرهەم هێنراو و چێکراوی وڵاتانی ڕۆژاوایی بوو.

بەپێی ڕاپۆری کەناڵی ئەلئەخبارییەی سووریا، ڤلادیمیر شامانۆف سەرۆکی کۆمیسیۆنی بەرەڤانی لە ئەنجومەنی دومای رووسیا دوێنێ سێ شەممە داوای کرد؛ لەبارەی چۆنیەتی ناردنی چەکئامێری ئەمریکی و فەڕەنسی و بەلژیکی بۆ گرووپە ڕەشەکوژەکان لە سووریا، لیژنەی لێکۆڵینەوەی نێودەوڵەتی پێک بهێنرێ.

وڵاتانی رۆژاوایی چەندین ساڵە کە بەپشتگریی هەمەلایەنە لە تیرۆریستانی داعشی لە ئێراق و سووریا، ناوچەیان ناجێگیر و ئاڵۆز کردووە.

عەلی ئەلعەلی ژەنەراڵی سوپای سووریا پێشتر، ڕایگەیاندبوو، کە چەکئامێری چێکراوی ئەمریکا، بەلژیک و فەڕانسەی بینیوە لەدەست تیرۆریستانی داعشی لە سووریا.