مردنی دوو نەخۆشی تووشبوو بە ڤایرۆسی کڕۆنا لە ژاپۆن
دوو نەخۆشی تووشبوو بە ڤایرۆسی کڕۆنا لەنێو بەلەمی گەشتیاری "دایمۆند پرەنسێس"ی ژاپۆن دا گیانیان لەدەست دا.
بەپێی ڕاپۆرتی ئەمڕۆی هەواڵدەرمان دوو نەخۆشی تووشبوو بە ڤایرۆسی کرۆنا کە سواری بەلەمێکی کروزی ژاپۆن ببون گیانیان بەخت کرد.
تووش بوونی ٢٠ کەس بە ڤایرۆسی کڕۆنا لەنێو بەلەمی گەشتیاری دایمۆند پرەنسێس دا بووە هۆی ڕاگیرانی ئەو بەلەمە لە کەنارەکانی یوکۆهامای باشووری تۆکیۆو خستنە نێو چاودێرگەی نزیکەی ٣٧٠٠کەس لە سواربوانی ئەو بەلەمە بۆ ماوەی لانی کەم دوو هەفتە.
بەوتەی کاربەدەستانی ژاپۆن هەنووکە کۆی تووشبوان بە ڤایرۆسی کڕۆنا لە وڵاتەکەیان نزیکەی ٤٥ کەسە کە بیست کەس لەو توشبوانەی نێو ئەو بەلەمە ٤کەسیان ژاپۆنی ٢ کەسیان ئەمریکی ٢ کەسیان کەنەدایی و ٢کەسیان نیوزلەندیایی و کەسیکیشیان تایوانی یە.
دەوڵەتی چین شەوی یەکشەمی ڕابردوو ڕایگەیاند کە ڕێژەی قوربانیانی سەرچاوەگرتوو لە ڤایرۆسی کڕۆنا لە وڵاتەکەی گەیشتۆتە ٢٠٠٤ کەس.
