وەزیری دەرەوەی ئەمریکا وێڕای دووپات کردنەوەی بوختانە بێ ناوەڕۆکەکانی دژی کۆماری ئیسلامیی ئێران، جارێکی تر خوازیاری درێژکرانەوەی بایکۆتی چەکەمەنیی سەر ئێران بوو.

بە پێی ڕاپۆرتی ھەواڵدەریی ڕادیۆو تەلەفزیۆنی ئێران، «مایک پەمپێئۆ» ڕۆژی پێنج شەممە لە پەڕەی توییتێری خۆی دا، وێڕای پەرۆشی دەربڕین لە بەر نزیک بوونەوەی کاتی کۆتایی ھاتنی بایکۆتەکانی چەکەمەنیی ڕێکخراوەی نەتەوە یەکگرتووەکان دژی ئێران، ھەوڵی دا ئەندامانی ئەنجومەنی ئاسایشتی ڕێکخراوەی نەتەوەکان بۆ  درێژکرانەوەی بایکۆتی چەکەمەنیی سەر ئێران ھەڵخڕێنێ.

وەزیری دەرەوەی ئەمریکا لە توییتەکەی دا، کۆماری ئیسلامیی ئێرانی بە ئەنجام دانی ھەڵس و کەوتی تێکدەرانە لە ناوچەکەدا تۆمەتبار کردو بانگەشەی کرد کە بە کۆتایی ھاتنی بایکۆتی چەکەمەنیی سەر ئێران، تاران دەستی بە چەک و چۆڵی تێکدەرانە ڕادەگات.

جێگای ئاماژەیە کاربەدەستانی چین و ڕووسیا کە لە ئەنجومەنی ئاسایشتی ڕێکخراوەی نەتەوەکاندا مافی ڤیتۆیان ھەیە،ڕاشکاوانە ڕایانگەیاندووە کە نەیاری درێژکرانەوەی بایکۆتی چەکەمەنیی سەر ئێرانن.