وتەبێژی تالیبان: ڕۆڵی ئێران لە دانوستانی ئاشتیی ئەفغانستان، ئەرێنییە
وتەبێژی مەکتەبی سیاسیی تالیبان لە دەوحەی قەتەر وتی: ڕۆڵی کۆماری ئیسلامیی ئێران لە ڕەوتی دانووستانی ئاشتیی ئەفغانستان ئەرێنی و کارایە.
«سوھەیل شاھین» وتەبێژی مەکتەبی سیاسیی تالیبان لە دەوحەی قەتەر لە وتووێژ لەگەڵ ھەواڵنێری ئێران پرێس، کە ڕۆژی سێ شەممە بڵاو بووەوە، بە دەربڕینی ئەمەی کە ئێران و ئەفغانستان دوو وڵاتی دراوسێن و دەبێ پێکەوە ھاوکاریی بەردەوامیان ھەبێت، وتیشی: تاقمی تالیبان نەیاری داگیرکارییەکانی ئەمریکایە لە ئەفغانستان.
وتەبێژی مەکتەبی سیاسیی تالیبان لە دەوحەی قەتەر پێشی داگرت: ئەمریکا ئەوە بۆ بیست ساڵ دەڕوات کە ئەفغانستانی داگیرکردووەو تالیبانیش لە بەرامبەری دا وەستاوەو بەگژ داگیرکاریی ئەو وڵاتەدا چووەتەوە.
«سوھەیل شاھین» وتیشی: ئامانجی دانوستانی ئاشتیی ئەفغانستان چارەسەریی کێشەکانی ئەم وڵاتەیەو تەواوی تاقمە جیھادییەکانی ئەفغانی بەشداری دانوستانەکەن و پێکەوە گرفتەکانی ئەفغانستان تاوتوێ دەکەن.
